اغنية الفنان شعبان عبد الرحيم بمناسبة فوز اوباما
يا سكة الندامة يا دنية الوحوش
اياك باراك اوباما مايكنش زى بوش
****
بوش يخرب بيته باعنا وضيعنا سنين
واوباما الناس فاكريين حايكون صلاح الدين
****
وإييييييييييييييييييييييييييييييييييييييييييييه
ماهو بوش ابن المجنونة شعللها فى كل مكان
افغان وعراق وغزة واخرها سورية كمان
****
هيعمل ايه ابوما فى مصايب بوش وابوه
بلاش من بدرى نحلم ما يكنش الحلم كابوس
****
خلينا زى ما احنا ما الهم اخدنا عليه
راح بوش وجا اوباما ايه يعنى هيحصل ايه
وإيييييييييييييييييييييييييييييييييييه
****
لسة فلسطين محتلة والحرب فى العراق
والناس عايشة فى مزلة وعداء بيجيب عداء
****
مهما هايعمل اوباما ويلف شمال ويمين
لا هايرجع الحريرى ولا حتى الشيخ ياسين
****
سلامتك الف سلامة يا عم عربى عليك
قاعد مستنى اوباما علشان ياخد بايديك
****
ولا بوش ولا اى اوباما تانى هايفكر فيك
يا عربى مافيش غير ايدك هى اللى راح تحميك
واييييييييييييييييييييييييييييييييييييييييييييييييييييييييييييييييييييييييييييييه
بس خلاص
موضوع: أغنية الفنان شعبان عبد الرحيم بمناسبة فوز اوباما 
الإثنين نوفمبر 17, 2008 9:14 am
