زيدان ابراهيم كلمات الاغاني

اخونك؟
كلمات محمد جعفر عثمان

أخونك .. هل تصدق أخونك؟
ما أظن أصدق أخونك
لو شافت عيونك إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك؟!
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!
ذكرياتك دايماً أماني
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك؟

في الليلة ديك
بابكر الطاهر

في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك
ومديت يميني بلا
كلام ما قدرت قدامك أقيف
ورجعت حابس
أدمعي في الليلة ديك
في الليلة ديك
والناس تشارك فرحتك
حسيت بإني غريب
هناك وغريبة
إنتي في دنيتيك
حسيت معاني الفرقة
حسيت بالوجود
ماخذ سواد من حنتك
شفت الدموع خلف الرموش
مكبوته بي حسرة وضياع
ورعشة الكف الخضيب
مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك

في بعدك يا غالي

في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
***
من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور
***
لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب
***
لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

معاك قضيت عمر السنين

معاك قضيت عمر السنين
أفرش طــــريقك بالــــــــورود
أبنى فيك سور الامـــــانى
ما حاسى بى زول فى الوجــود
عمــــــرى ما فـــكرت أنك
يـــــــــــوم حتـــخــلف للــوعود
لكـــــنى ما فـــــاقد الامـــل
يمـــــكن تحـــــــن ترجع تعــود
يا زهرة أيامى وربيـــــعي
كونى ردتك شـــــــــئ طبـــيعى
جرحى مين غيرك بداويهو
ومين سواك بمـــــــسح دموعى
قبلى ما تــــــروى الحكاية
خليك مخـــــلص يا منــــــــــاى
يمكن تكون أوهـــام ظنون
يمكن تكون ساكــــــــــت وشاية
العــوازل دارو بــــــــــيها
خـــتوا لـــــريدنا الـــنهـــــــاية
فكر أحـــــسن فى مصيرك
فى هنآك وفـــى هـــــــــــــناى

ما حصل

ماحصل فارقت دربك وشلت املى على السراب
مابحاول يوم اسيبك اواقول انا نجمى غاب

يحلو لي صبرى الصبرتو فى سبيل حبك حملتو
ماشكيت لهفة مشاعرى فى هواي معاك كتمتو
انت برقة شعورك قلبى ليك انا ماظلمتو
قلبى زغرد يوم لقيتك وانت بى البسمات غمرتو

كلو بسمة جميلة منك راسمة فى خدك شباب
كلو فتنة جميلة باينة فيها كم انا قلبى داب
يالمحاسنك فايضة رقة لي عذابك مستطاب

ياربيع بزهورو فايحة فى الوجود مالي سواك
ارعى عمرى الباقى لليا خلى قلبى يعيش هواك

كنوز محــبة

لما تشتاق لي المشاعر

تملي دنياك بي عبيرا

لما تشتاق لي العواطف

تنسجم تلبس حريرا

و أبقي أسأل عن قلوبنا

تلقي فيها كنوز محبة

تلقي فيها بحور حنانا

و تلقي فيها الشوق يغرد

و تلقي فيها الريدة فارد

جناحها تشتاق للربيع

و يا ربيع آهـ يا ربيع

لما تقسو عليك ليالي

الوحدة و الليل يبقي ليل

و النجوم تلمع بعيد

تسخر من السهران وحيد

برضو أسأل عن قلوبنا

تلقي فيها كنوز محبة

تلقي فيها بحور حنان

و تلقي فيها الشوق يغرد

تلقي فيها الريدة فاردة

ناحها تشتاق لي الربيع

إنت ما برضك حبيبنا

والحنان الفي قلوبنا

أصلوا ما نابع من عيونا

والمحبة فيها لو ما إنت

ما كانت محبة

كل أشواقنا ومشاعرنا

وأحساسينا النبيلة

إنت ما أهديتا لينا

ليه تضيع أحلى ما أهديت ياغالي

بقيت ظالم

بقيت ظالم نسيت الناس ياسيد الناس

جنبك عمري كان املا مفرهد يا غرام الروح

زهور بتملاء دنيايا بالاماني تفوح

وبعدك ياما بتالم حزين وانوح

غريب انا من غير اهل

وقلبا حزين مجروح وحيد مجروح

***
بحبك عمري ما اتنكرت ما جافيـت

حرام ياغالي انا طول عمري ما حبيـت

لغيرك يوم ولا اتمنيــت

خلافك ريده ما حبيــت

ولا غنيت اغاني الفرحه وما اتهنيت

وقبل دا انا ما حسيت

بطعم الدنيا من تبيت

قلبك ليه تبدل

قلبك ليه تبدل صدا وليه تحول
انا طول عمري مخلص يا اخر حب واول
***
إيه الشفتو مني من حبي وحنيني
ايامي القضيتا من عمري وسنيني
اعبد في جمالك ياملهم فنوني
إنتا خلاص نسيت البينك وبيني
مابنساك وحاتك يا اخر حب واول
***
يابهجت شباب واملي العشت بيهو
سقيتو الطيف حناني وانت حياتي فيهو
روحي حولو حايمة حولو والروح تسال عليهو
قلبي الحب سامي مشغول
ديمه بيهو طول
وحيات شبابك قلبك ليه تبدل
***
قول وحيات عيونك حبك في دمايا
سامر جوة قلبك وعايش في خيالك
انا لسه عندك حبيبك وكل امالك
إنتي خلاص نسيتني شاغل ريدي مالك
مابنساك وحاتك يااخر حب واول

بتبدل مع الايام

بتتبدل مع الأيام
حرام يا غالى تتنكر
ونتقابل بدون كلمات
ولا لمسة حنان تسأل
ربيعى جفت ازهارو
جفنى الليله اتبلل
نسيتنا خلاص
بننساك يوم اتذكر
تحاول تستعيد عشك
تلقي الليل عليك يسهر
وياما الليل يطول بيك
علي الضيعتو تتحسر
حرام يا غالى تتنكر
مصيرك بكره تطرانا
ومصيروا زمانك يتغير
تجيني ويحضنك قلبى
اقول ما كنتا تتنكر
ودموع الحسره لو بتجيب
الضيعتو كان اكتر
حرام يا غالى تتنكر

غربة وشجن
التجاني حاج موسي

ما اصلو ريده اصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر

الحلوين
عبدالوهآب هلاوي

عشان خاطر عيون حلوين
بشوف في رموشها ليل ونهار
ولهفة تشيل مشاعرنا
تقصر للخطي المشوار
نجيكم نحنا مشتاقين
فراشات تسأل النوار
وخضرة قولنا عند اللقيا
ياالسمحين تجف تحتار

اغلطو إنتو يا احباب
نجيكم إحنا بالاعذار
عشان خايفين تسيبونا
عشان خايفين نعيش في ودار
حزين قلبآ بزورو الحب
يا ريتو لو ما زار

شلنا الريده يا احباب
يباس ايامنا شلنا خدار
إنتو املنا إنتو اهلنا
في غربتنا إنتو الدار
وشراع الريد بعيد عدي
ويتحدي الزمن لو جار

جميلُ ماسلناهو

جميل ما سألنه
ولكن هويناهو

بديع فى تدنيه

وديع حين تلقاهو

عجيب فى معانيه

اذا أدركت معناه

مليح البدر فتاة

ملاك قد عرفناه

فريد فى محاسنه

فريد فى سجاياه

غزال فى تلفته

صباح ما وحيناه

جمال فيه إشراق

تريح النفس رؤياه

عشقناه ولكن

تعبنا إذ عشقناه

سكارى عند رؤيته

حيارى عند ذكراه

يعاتبنا بنظرته

بلاذنب جنيناه

اللهفة

لو تعرف اللهفة والريد والعذاب..
والشوق بطرق فى دروبك الف باب ....
لو تعرف دى الدنيا من بعدك سراب..
ماكانت روحت وكنت طولت الغياب ....

***

كنت فاكر الشوق يجبك والحنين..
وتعود لقلبى الفى هواك صابر حزين ....
لكنو بس طال الصبر بالسنين ....
يا الروحت طولت الغياب ....
لو تعرف اللهفة والريد والعذاب ...
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....

***

الليل حزين دمعاتى صامته بتبللو ....
ممتد طويل ماليهو حد فاقد نهايتو ....
بالله كيف اقدر اطيق واتحملو ....
يا الروحت طولت الغياب ..
لو تعرف اللهفة والريد والعذاب ....
والشوق بطرق فى دروبك الف باب ....
لو تعرف دى الدنيا من بعدك سراب ....
ماكانت روحت وكنت طولت الغياب ....

بنتاسف علي الروح

بنتأسف على الروّح
من الايام ونتحسر
تسيل الدمعه لما نحن
لماضي الريد ونتذكر
اسفنا البينا ما طوّل
عمر رحلتنا كان ايام
وكل فرح قصد دارنا
رحل بطيف من الاحلام
ونحن هنا الأمل غابت
نجومه الحلوه في الأوهام
صحيح ما كنتا بصور
يفرق بينا نحن زمان
تخون إنسان بحيا عشان
يشيل دمعه عذاب انسان
غريبه الدنيا تجرح ناس
قلوبها محافظه على الإحساس
بيشرق نور ويضوى
زمان معانيه ابتساماتك
متين يرتاح عذابى
ومتين تغمرنى جناتك
جمالك ما نداوة لون
جمالك كلو في ذاتك

اسير حُسنك

اسير حسنك يا غالي
في ريدك كم بغالي
اشيل من طبعك انت
واصبح حالي حالي
يا عبير يانسمه هاشة
ويافرح مليان اعاشة
شيل سنيني وشيل
نداها وشيل معاك
كل البشاشة
قول لي الغيوم
لو تاني رحلت وين
بين ظلال عينينا ماشة
سر جمالك في عيونك
غيمة تحضني وتسافر
تملي كل دنياي فرحة
وتبقي بكرة امل لباكر
يا حلات دنياي جمبك
ويا حلاتك وانت نافر
مستحيل دنياي تبسم
اوتفرح مرتين
ما خلاص ادمنت ريدك
ولهتك عيني سنين
وريني لما يطول غيابك
والقي تاني الفرحة وين

حنين ياليل

حنـــين يا ليل
يا ساتر عيون الناس
أهم فيك و أناجيك
وأسافر في بحورك ديك
لا بتعب من الإسفار
ولا بغشاني مرو نعاس
لأتي بغازل النجمة
غزل بقوافي منسجمة
وحجوة بصورة منتطمة
وبيها أدغدغ الإحساس

حنـــين يا ليل ... يا
يا ساتر عيون الناس

براي سهران كمان زيك
بلاقي عزاي في ريدك
اقالد في النجوم وحدي
وأغني يا ليل مواويل
أصارع الموج والتيار
أغالب الدمعة ما تنهار
أسِــــر البسمة عشان
تضوي لي في المشـوار
حنـين يا ليل
يا حنــيِـــن
يا ساتر عيون النـاس

لاهماك عذابنا
كلمات يوسف محمد يوسف
ألحان زيدان إبراهيم

لا هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة

ليه كل العذاب
التجاني حاج موسى

ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
الدرب المشيتو مشيتو عشانك
عذب وزيد عذابك يا سلطان زمانك
عذب وزيد عذابك يا جبار زمانك
كل ما أجيك داني كايس لي حنانك
تبعد مني تقسى وتزيد الألم ألم
لو تعرف يا ظالم بحبك قدر إيه
بحبك والله عالم ده حب احترت فيه
بحبك زي عيوني ولو سألوني ليه
لأنك في عيوني في عيوني الألم
عذب فيني بالغ وزيد منو الكتير
لو يرضيك آذاي عذب يا أمير
قالو البهوا دايماً ياما يشوف كتير
وشفت غلاوتي عندك وحبيت الألم
ليه كل العذاب ليه كل الألم
بزرع في المحبة وحصادي العشم
ليه كل العذاب ليه كل الألم
لسه الفرقة حاصلة وبقاسي الألم
لسه الفرقة حاصلة وبقاسي الألم
لسه الفرقة حاصلة وبقاسي الألم

شقا الايام
التجاني حاج موسي

شقا الأيام ....

وسهر الليل ....

بهون لو مرة حسيت بى ....

يزول كل الوجع وأرتاح ....

وأغرد زى كنار صداح ....

وتبقى الدنيا فى عينى .....

أزاهر وغيمة وردية ....

ولو سلمت مرة على ....

سلامك ليا عيديه.....

***

شقا الأيام وسهر الليل ....

وآهاتى الحزاينية ....

ملازمنى من يوم شفت عيونك الحلوة ....

ويومها عرفت كيف العين

مكامن ريد....

وجرة نمة من دوبيت ....

ضراعة فاتحة يوم العيد

فرح أطفال

وأهازيج زار

ونقرة طار ....

وبحة ناى .....

حزين غناى ....

ترانيم غنوة دينية

***

براى ..... والليل

وأهاتى الحزاينية ،

بيغشاني النعاس مرات ....

وطيفك يمر....

يغافلني....

يبدل حزني اشراقات

وأبداء معاك غناوى الليل

وأغالب الدمعة مابيه تسيل ....

أتارى الليل كمل كلو

عيونك مرة لو طلو ....

يزول كل الوجع وأرتاح.....

وأغرد زى كنار صداح....

وتبقى الدنيا فى عينى ....

أزاهر وغيمة وردية ....

ولو سلمت مرة على ....

سلامك ليا عيدية ....

داوي ناري
إبراهيم ناجي

داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعه وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع

لواحبك

لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني
***
بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شتاتي
لما تحكي الشوق عينيا
أو تعاتبك اغنياتي
كلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي
***
كن مجامل يا حبيبي
ويكفي انك تصطفيني
عشّي خاوي بالليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيك لمحة ضنيني
متين تعود أيام هنايا
وتاني ترجع تصطفيني

قصر الشوق
التجاني حاج موسى

أقول أصبر على الهجران
أقول أنساك لا بد
أشوف بس طرفك النعسان
تخوني القوة والشدة
تصبر قلبي على الهجران
يثور ماضينا ويتحدى
يا قصر الشوق لو هداك
حبيبك ومر ليك صدا
بأبنيك بغلاوة الريد
محال أنا قصري يتهدا
أهي الأيام بتتعدى
ونرجع تاني لا بد
وحات عمراً قضيتوا معاك
محال عن ريدك ارتد
وراجي العين تلاقي العين
وأحضن إيدك البضة
وأهي الأيام بتتعدى
ونرجع تاني لابد
باب الريده وإنسد
نقول ياربي إيه جد؟
تمر أيام وتتعدى
ونقعد نحسب في المدة
مهما أجرب النسيان
ألأقي الشوق يمتد
ما باب الريدة وإنسد

شكرا ليك يا مسيخ والله ما بتقصر والله مجهود مقدر بصراحة وليك الشكر والتقدير

انيشتاين كتب:: شكرا ليك يا مسيخ والله ما بتقصر والله مجهود مقدر بصراحة وليك الشكر والتقدير

والله بشكرك انت يا انشتاين لأنك جد زولة روعة

لكن الحق يقال النوابغ ديل زعلوني

ما بهتمو بالمشاركات

ما بهتمو بالردود

ما بحفزو الزول عشان يزيد مجهودو