قصيدة بعنوان دمع الرجال

البارحه تالـي اللـيل جتـنـي عـلى الـبـال

وشلون مدري لكن جتـنـي عـلـى بـالـي

ذكرت عهدٍ مضى وانتثر دمعي وسـال

يلعن زمـان ابـعـد غـالـي عـن الـغـالـي

عهد مضى عشنـابـه انـا وهـي اطــفـال

ومرت سنين وكبرت وكبـرت امــالــي

وبدا شيٍ يدب ولقــى للــقـلـب مــدخــال

شـيٍ عـرفــت ان اسـمـه الــحــب تـالـي

وبـسـبـابـهـا سـهـرت انـا طـوال الـلـيـال

واكثـر الـعـالـم رقــود تـالـي الـلـيـــالــي

وين ماحطت ارحـالهـا بــاشـد الـرحــال

حــالـي ردا مــن حـبــهـا ويــل حــالــي

كامله والكامله الله يشتق منها الـجـمال

الوجه بــدر ٍ والـشــعــر وبــل شــلالـي

والعين عين مهره والرمـوش كماالظـلال

وانفها مسافر وارتكى تـحـت الـظـلالـي

والخد ريش ـناعـم وايـسـر الـفــم خــال

والعنق يـتــزيـن بــه كــل ســلــســالــي

والمتن سـبحـان مـن سـطـره بــاعـتـدال

والنهد كنه على الصدر متكبـر ومتعالي

مابين خصرها وردفـها امـيـال وامـيـال

وردفــهــا لامـــال كـل شـيٍ مـعه مـالي

ولنكشف ساقها لاح برق واسفله خلخال

كفوفها غيوم هماله وكعبها جمر صالي

ياويل حالي الــيـا بــدلــع قــالـت تـعـال

وانـا اتثيـقـل واقـول ان بغـيتـي تـعـالـي

واليوم اسكنت بحـفـرت تـحـت الـرمـال

لها جنـت الـفـردوس مـثـوى ومـنـزالي

حلفت من بعدها لـقـفـل الـقـلـب بـقـفـال

يحـرم عـلـي البـيـض لـو هـن حـلالـي

الموت حــق عـلـيـنـا ولا مـنـه مـحــال

ولا مشيـئـة وقـضـاء الـرب مـدحـالـي

المرء يجزى بـمـا كـال مـن الاعـمـال

وانا مقصر عسى الله يصلح اعمالـي

عـهـد ذكـرتـه وانـتـثـر دمـعـي وسـال

ويا مصعـبه لانـتـثـر دمـع الـرجـالـي