اغاني الحقيبة

شعراء الحقيبة


خليل فرح.
ابراهيم العبادي.
سيد عبدالعزيز.
عبيد عبدالرحمن.
عمر البنا .
احمد العمرابي.
علي المساح.
محمد بشير عتيق.
محمد علي عبدالله (الامي).
احمد حدباي.
محمد ود الرضي





لم تقتصر اشعار واغاني شعراء الحقيبة على المفردات الغزلية والوطنية فحسب , بل تعدتها الى ما هو اسمى .
دعوتهم للعفة والتمسك بالقيم والعادات السودانية ونبذ كل ماهو دخيل بالمجتمع السوداني الاصيل ودعوتهم للتثقف والاطلاع .
( من ينصح في غنائه هذه الايام ؟!)
بالفعل افتقدنا تلك الكلمات !

لننظر ما قيل في بعض تلك الوصايا :

يقول سيد عبد العزيز

الثــــقافة

العــــامة حــــرام وســـطنا تهزل
ادخـــــلوها القـــــول الرصيــــن الاجـــــزل
اجــــعلوا لهــــا اســـاس الكتـــــاب المنزل
لى الرجال فى الخارج والنساء فى المنزل


ود الرضى يوصيها حين يناديها التمسك بالقيم :

حياة ابــواتـــك محـــفوظـه بكل كرامـــة
البســـى توبك الشــى اليســــير يلفتنــا
يــا الكـــلك محاســن وكـل قـامتك فتنة
انتن عروض الرجال ونحن الرجال بصفتنا

انها وصايا قلّما توجد في كلمات هذه الايام !!!



الشاعر المبدع خليل فرح
في الضواحي
في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

عزة في هواك
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال


مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح


سيد عبد العزيز (1900-1976م )أنة المجروح

يا أنة المجروح

يالروح حياتك روح

الحب فيك يا جميل

معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح

الناس تحب رؤياك بالخاطر المشروح

يا ملفت الأنظار يابسمة المفروح

وانا أهدىليك الحب حب من فؤاد مجرود

حب الشحيح للمال حب الجبان للروح


سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فىظلال تلك الخميلة يلوح

أنا لو ضمنت رضاك اكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح

من الوله للقاك دمعى الغزير مسفوح

قائد الاسطول
يا قائد الأسطول تخضع لك الفرسان

ياذو الفخار والطول أرحم بنى الإنسان

مين لسماك يطول ما يطولك اللمسان

معناك شرحه يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان

ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان

وما الجندى والمكتول و طالب الغفران

من أيده راح منتول واتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران

يا علة المعلول كم أومى ليك بنان

كم من أٍسير مغلول مالاقى فى لحظة حنان

يرى وعدك المحلول زى حجة الوسنان

والكان سكونه تلول ما ببدلهم بجنان

يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان

يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما مملوح

ان كان تميس بنميس ان كان تموج بنموج

عدل الطبية جعل جور الحبيب مسموح

الشاعر عبيد عبد الرحمن

انا ما بقطف زهورك
يالغصن00 الفي نضورك

ياالبدر00 الفي خدورك

ومترقب ظهورك

وأتامل في محاسنك

وأتمتع بمناظرك

واتوسع في سروري

أنا مابقطف زهورك بعاين

بس بعاين بعيوني

*********

ولعبت بي دورك

واصبحت مسحورك

وسبحت في بحورك

وعرفت أهوالك

وعزفت الحانك

آهات تواريني

**********

لازلت مأسورك

وماقادر ازورك

ملأ العهود نورك

أتمهل في بسمك

ويتجلي لي رسمك

شخصك ملأ عيوني

أنا مابقطف زهورك

بعاين00(بَس ) بعاين بعيوني

حبيبي اكتب لي حبيبي أكتب لي 00وانا أكتب ليك

بالحاصل بي00والحاصل بيك

الحاصل بي 00أنا شوق وحنين

وأقيم الليل00آهات وأنين

فارقني حبيب00فارقني سنين

أتحكم بيني00 وبين البين

ماليك أمان00 ياذا الزمان

آه000 ياليالي زمان 00الله عليك

*************

أنا أكتب ليك وأنت اكتب لي

ياحبيبي روحي 00يانور عيني

ياوحيد عمري 00المادمت حي

أكتب لي 000عن كل شيء

ارحم بعاد00بعادي

ياحبيب فؤاد00فؤادي

أرعي الوفاء00وأدع الجفاء

واذكر صفاء 00وايامنا ديك


اذكر جلوسنا على الربا
نستعرض اسراب الظبا
ونحن في عزّ الصبا
انا يا مناي الطول حياتي بهاتي بيك