وضاحة كما غناها مصطفى

الصباح الباهي لونك
وضاحه يا فجر المشارق
غابة الابنوس عيونك
يا بنيه من خبز الفنادق
شيدتي في جواي صوامع للفرح
وفتحتي في دنياي مسارح للمرح
وبقيتي لي سكه وعيون
لا قدرت اطولك شان أجيك
لا قدرت من غيرك اكون
وانا بيك ماليني الكلام
حركت بيك عصب السكون
جلبت ليك الغيم رحط
طرّزت ليك النيل زفاف
وحرقت ليك الشوق بخور
وفرشت ليك الريد لحاف
لا السكه بيك بتنتهي
ولا معاك مليت طواف
ياريتني لو اقدر اطولك
وضّاحه يا فجر
المشارق