فيصل العجب قال ؟

يتساءل البعض كيف ينافس العجب نجوماً عالميين مثل كاكا، ورونالدينو، وأقير، وبالاك، وأبو تريكة، على جائزة أكثر اللاعبين شعبية في العالم.

كدي خليك من الاسامي الكبيره دي و نقارن بالاعب قريب مننا وهو اللاعب أبوتريكة ودعك من ناس كاكا ورونالدينهو لأن مجرد مقارنة العجب بهؤلاء اللاعبين العالميين الأفذاذ فيه ظلم للعجب نفسه

المهارات العالية والاستثنائية التي يتمتع بها اللاعب أبوتريكة فضلاً عن حساسيته المفرطة نحو الشباك لدرجة أنه قلما يخرج من مباراة دون أن يسجل فيها هدفاً أو أكثر.

أما إنجازات أبوتريكة مع فريق الأهلي والمنتخب المصري فهي كثيرة ونكتفي هنا فقط بالآتي:

فاز أبوتريكة بكأس دوري أبطال أفريقيا مع الأهلي مرتان (2005 _ 2006).

فهل فاز العجب مع الوصيف بكأس 'وصفاء' أفريقيا حتى؟! بل متى كانت آخر مرة لعب فيها الوصيف 'أبوخمسة' مع أبطال أفريقيا؟

* فاز أبوتريكة مع منتخب مصر بكأس أمم أفريقيا 2006

لعب أبوتريكة مع الأهلي المصري في اليابان ممثلاً لأفريقيا في بطولة كأس العالم للأندية 2006 وأحرز ثلاثة أهداف رائعة قاد بها الأهلي لاحتلال المركز الثالث على مستوى العالم خلف برشلونة الثاني وانتر نسونال البرازيلي .

فهل سافر العجب الى تايوان ولو للسياحة حتى وزار ' تايجونغ أو كاوشيونغ '؟!

* بالمناسبة أبوتريكة حاصل على ليسانس أداب جامعة القاهرة قسم فلسفة!.

و بس العندو كلام بيقولو لينا

فيصل العجب اكيد الاكثرشعبيه في داخل السودان بس
طبعا ما بنقدر نقارنه بالنجوم العالمين امثال ابوتريكه وغيره
ونحن كورتنا السودانيه كنا مستبشرين فيها خير في السنوات الاخير
لكن بعد نكسه امم افريقيا تاني رجعنا للنفق المظلم

والله ياود عروس الرمال ما عارف اقوليك شنو لانو المقارنات بتعتك عجيبه ما في مقارنه بين لاعبين بتحسب بي انجازات الفريق لانو هالاعب جزء من فريق يتكون من احداعشر لاعب انا طبعا ما بقوليك انو العجب احسن من ابوتريكه لكن لما تقارن ارجو منك تعتمد على اسس فرديه وانجازات فرديه وشويه عدل ومافي مانع تكون الانجاز مع الفريق جزء من المقارنه ما يكون الاعتماد عليها فقط يعني هسه لوجبته كرستيانو رونالدو للمنتخب السوداني برضو ما حيشيل كاس افريقيا لكن المنتخب المصري شال الكاس بعد تعاون الفريق كله توفر ليهم المدرب المخضرم وخط الدفاع القوي بوجود مدافعي النادي الاهلي وخط وسط رائع بوجود حسني وزيدان وابوتريكه برضو شارك في الانجاز بس انا عايز اثبت ليك انو ابوتريكه لو ما تظافر زملائه ما كان بيحلم بالعرش الافريقي وكذلك الحال مع النادي الاهلي في البطولات الافريقيه بعدين العجب لاعب قديم من التسعينات وابوتريكه ظهر من اربعه سنه بس خلي ابو تريكه تبعك يكون في عمر العجب ويدخل القائمه دي
(حتى لو العجب جه في زيل القائمه احسن من العدم )

مع كامل الود والاحترام Very Happy