منتديات النوابغ ترحب بك فى عالمكم الآخر اهلاً بك يا زائر
 
الرئيسيةمنتديات النوابغس .و .جبحـثالأعضاءالمجموعاتالتسجيلدخول

شاطر | 
 

 البوم خاص للاستاذ الرائــ اسحق الحلنقي ـــــع

اذهب الى الأسفل 
كاتب الموضوعرسالة
الساهر
مشرف منتدي الحوار والنقاش
مشرف منتدي الحوار والنقاش
avatar

ذكر
عدد الرسائل : 179
العمر : 41
العمل/الترفيه : موظف
المزاج : هادي
الدولة : قــــ السودان ـــلب
تاريخ التسجيل : 14/09/2008

مُساهمةموضوع: البوم خاص للاستاذ الرائــ اسحق الحلنقي ـــــع   الإثنين سبتمبر 15, 2008 11:22 pm

السلام عليكم ورحمة الله وبركات

اليوم دي لى اول يوم اشارك معاكم هنا في القسم دي

ودي هدية من لكل محبي الشعر

واترككم مع روائعه :

حبيت عشان كسلا

*****************
ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها


المشكلة
***********

الروح تروح ما مشكلة وتزيد جروحي علي جروح مامشكلة
المشكلة ريدتك بقت هي المشكلة وأديني حل للمشكلة

ينسي الفراش عطر الربيع ما مشكلة
وينسي الوديع زولو الوديع ما مشكلة

الشاري لو فكر يبيع لو ضاعت الأعمار تضيع ما مشكلة
المشكلة ريدتك بقت هي المشكلة وأديني حل للمشكلة


لا تبين شمس لا يهل قمر ما مشكلة
يبقي السحاب من غير مطر ما مشكلة

يرموني في نص البحر لا يجيبو لي الناس خبر مامشكلة
المشكلة ريدتك بقت هي المشكلة وأديني حل للمشكلة

لو هز صمت الليل برق ما مشكلة
والقاش رحل خلاّ الشرق ما مشكلة

لو عمري بالشوق يحترق ولو رحت ماجبت الفرق ما مشكلة
المشكلة ريدتك بقت هي المشكلة وأديني حل للمشكلة

الدنيا تبقي بدون جليس ما مشكلة
وتبقي الليالي بدون ونيس ما مشكلة

لو تنسي ليلي حبيبها قيس تنسي العروس اسم العريس ما مشكلة
المشكلة ريدتك بقت هي المشكلة وأديني حل للمشكلة



عيش معاي الحب

*************

عيش معاي الحب عيش معاي حناني
خليني أنسى سنين عشتهم وحداني

إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا




عصافير الخريف
*********************

هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف

تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها

غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الساهر
مشرف منتدي الحوار والنقاش
مشرف منتدي الحوار والنقاش
avatar

ذكر
عدد الرسائل : 179
العمر : 41
العمل/الترفيه : موظف
المزاج : هادي
الدولة : قــــ السودان ـــلب
تاريخ التسجيل : 14/09/2008

مُساهمةموضوع: رد: البوم خاص للاستاذ الرائــ اسحق الحلنقي ـــــع   الأربعاء سبتمبر 17, 2008 12:41 am



دار الفرح


فايت مروح وين وين ما لسه الزمن بدرى

خليك شوية معاى عشان جنبك يطول عمرى

دار الفرح والريد تلقانى من اهلا

لى الما بيعرف طيبة شباب كسلا

بين الضفائر بان وجه القمر طلا

وكيف قلبى يتصبر صبرنى يا الله

فايت مروح وين

يا اجمل الحلوين يا احلى ياسمينا

ما لينا غيرك اهل انت الاهل لينا

لمتين مراكبنا ترسى وترسينا

على وادى اسمو القاش والغيم حوالينا

على نسمتك يا قاش بالريد تعدينا

فايت مروح وين

باقى الجميل تموا اصلو العمر مرّ

وانا كم صبرتا معاك فى الحلوة والمرة

اطرح جبينك لى خليهو ينفرّ

وانت البيدور ضرك انشاء الله ينضرّ

فايت مروح وين

يلاك بعيد نرحل على دنيا حنية

نعيش لوحدينا والسيرة منسية

واوسدك قلبى وارعاك بعينيا

واسقيك مياه توتيل عشان تعود ليا

فايت مروح وين سايبنى رايح وين

لسه الوكت بدرى

خليك شوية عشان جنبك يطول عمرى

عارف الولف كتال وانا قلتا عزرى

وارحم بخاطرى انا ارحم تعب قلبى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الساهر
مشرف منتدي الحوار والنقاش
مشرف منتدي الحوار والنقاش
avatar

ذكر
عدد الرسائل : 179
العمر : 41
العمل/الترفيه : موظف
المزاج : هادي
الدولة : قــــ السودان ـــلب
تاريخ التسجيل : 14/09/2008

مُساهمةموضوع: رد: البوم خاص للاستاذ الرائــ اسحق الحلنقي ـــــع   الأربعاء سبتمبر 17, 2008 12:42 am



وقفة على قبر تاجوج
***************

اليوم عدت اليك يا كســـــــــــلا

وبمقلتى تعاسة المتــــــغــــرب

فى كل شبر ضجة وتأســــــــــف

أنكرت بعدى جفوتى وتغربى

أنا ان رجعت الى غد لاتأســـفى

فالمجد بعض من فضائل مذهبى

هذى الجبال عبادتى فى صمـتها

شمخت كمحبوب عزيز المطلب

وبقبر تاجوج اصطحبت عبادتى

صليت فى قبر جريح متعــــب

والقاش ممتـد بعينى هــــــائم

بسط الذراع يلم لون المـــغرب

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مسيخ الأنيق
مشرف الاقسام الادبية
مشرف الاقسام الادبية
avatar

ذكر
عدد الرسائل : 368
العمر : 32
العمل/الترفيه : مهندس شبكات حاسوب/ صيانة
المزاج : صافي المزاج
الدولة : جمهورية بيتنا العالمية الخاصة
تاريخ التسجيل : 13/08/2008

مُساهمةموضوع: رد: البوم خاص للاستاذ الرائــ اسحق الحلنقي ـــــع   الجمعة سبتمبر 19, 2008 3:18 pm

المزيد والمزيد

البحر ما بيابا الزياده يا ساهر

لا توقف

مشكور تقبل المرور

_________________
وللأناقة عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البوم خاص للاستاذ الرائــ اسحق الحلنقي ـــــع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النوابغ :: الاقسام الادبية :: منتدي الشعر العربي-
انتقل الى: