الحقو الراجل.......طلق مرتو

اسباب الطلاق في السودان كلاتي : النسيبه ....... والاولاد......والفياجره.......والاجناس ........ومهند ونور(..................رجع الراجل لي بيته بعد يوم عمل مضن وطويل.... وكان فاطر ب(بوش) مع زملائه وتم باقي الجوعه بي مويه حاره.....والكهرباء قاطعه ليها يومين.....................................................................رجع صاحبنا الساعه خمسه قال لي مرتو تسوي ليه الغداء فرفضت بي حجة المسلسل فمشه سكت الجوعه بي نومه مطبق نظرية (لما تكتر عليك الهموم... ادمده ونوم) نام وصحه الساعه عشره البيت ده صاني غسل(وشو) وجد الجماعه كلهم يتلفون حول التلفاز يشاهدو مهند ونور الزوجه والاولاد والنسيبه انحشرو في قرفه واحده يتفرجو.........النسيبه اول ما شافته بدت المعاكسه(انا قايمه بعد المسلسل اصلي العشاء .... اخير من الناس الي مابيصلو المغرب والعصر زاتو بالطريقه الشايفها انا دي الله يقبل) صاحبنا قال للمره يا وليه قومي سوي لينا الغداء دخلت المصيبه انفها اقصد النسيبه (انتظر المسلسل ينتهي) فانتفض الراجل قال (يا وليه قومي سوي الغده انا مالي ومال نور كرهتونا البيت سوي لينا السم الهاري ده خلينا نسمم عشان ندمم ننوم فلم تعره الزوجه اهتمام شكلو انجرف وراء ابليس وقال ليها الله ينعل ابوك اتنفضت المرة طبعا الاولاد كلهم معاها خصوصا انها هلالاب زيها كل واحد منبطح يحضر بي مزاج والنسيبه او النصيبه لئيمه اكتر من كمال شداد وردت بي كلا اصعب من الصواريخ النوويه للرجال قالت هسه عليك الله انت راجل.....ومهند دا راجل).................الاولاد ضحكو .......... والنسيبه علقت قالت(يا حليل لبو الاولاد) تقصد السخريه ( الوضع في البيت الزوجه المستعمره والاولاداذناب الاستعمار والنسيبه تمثل اوكامبو الزمان في البيتوقف في نص القرفه والزوجه قدامه (شكلهم وهم واقفين في نص القرفه الراجل ذي الديك لكن الزوجات في الزمن ده ما بقو جداد نقدر نقول ديك الا ربع)اتخذ القرار الصعب بعد صراخ الزوجه المتواصل(..........ما تقعد تتفرج عشان تتعلم من مهند حاجه اريتك تعرف.......)الراجل اتهان واتجرح فرد عليها (انتي طالق ... طالق..... طالق)بلا الاولاد والنسيبه صرخو قالو وطو صوتكم ده خلونا نشوف المسلسل .... لانو نا س الكهربه قالو بكره في قطع......))